Për pak kohë, Rina Balaj u shndërrua në një fenomen në muzikën shqiptare. Ajo ishte ndër të parat artiste që guxoi të vinte me një stil të ri në tregun muzikor shqiptar, duke u shfaqur si repere. Tashmë ajo ka krijuar edhe bazën e fansave të saj, të cilët dinë ta surprizojnë në mënyrat më të bukura. Ditën e sotme ajo ka marrë një dhuratë nga një adhurues, e cila e ka lënë pa fjalë. Rina ka treguar në ‘Instagram’ se një djalë ka bërë tatuazh në krahë të gjithë portretin e saj. Sigurisht që kjo është diçka e madhe për një artist të ri, ndaj reperja nuk është menduar dy herë për të ndarë emocionet e saj me të gjithë. “Pa fjalë! Jam e shokuar. Faleminderit shumë! Kjo do të thotë shumë për mua”, ka shkruar ajo bashkangjitur postimit të saj.
https://www.instagram.com/p/BwH-OsnhkC0/
Rina numëron një sërë këngësh në reportorin e saj muzikor, të cilat janë pritur mjaft mirë nga publiku, kryesisht ai rinor. /revistawho.com
