Rina Balaj ka pak vite që është pjesë e tregut të muzikës, e megjithatë ka arritur të krijojë grupin e saj të fansave. Reperja shqiptare është surprizuar në mënyra nga më të ndryshme nga ndjekësit e saj, por disa prej tyre kanë zgjedhur metodën më të veçantë për t’i shfaqur dashurinë. Pak kohë më parë njëri prej tyre bëri tatuazh portretin e Rinës dhe sot ka ndodhur sërish e njëjta gjë. Tashmë duket se kjo është kthyer në një lloj sfide nga fansat e reperes, sepse tatuazhi i fundit është më tërheqës dhe real për shkak të ngjyrave të përdorura.
Kjo “dhuratë” e ka emocionuar pa masë reperen, ndaj ajo nuk ka ngurruar ta ndajë me të gjithë të tjerët në “Instagram”. “Sërish. Faleminderit për dashurinë tuaj”, ka shkruar ajo bashkangjitur imazhit të tatuazhit. Kujtojmë se projekti më i fundit i Rinës, “Qikat”, shkaktoi shumë bujë, për shkak të bashkëpunimit të saj me Adelina Ismailin. /revistawho.com
