Melinda Ademi është një nga reperet më të reja në Shqipëri, por emri i saj po përhapet me shpejtësi. Jo vetëm mediat shqiptare, por edhe ato të huajat duket se e kanë vënë në ‘shenjeshtër’. ‘New York Times’ e ka përfshirë Melindën në listën e 15 artistëve që duhen dëgjuar patjetër, si dhe kanë shkruar disa fjalë mbi historinë e saj. “Babai i Melinda Ademit u largua nga Kosova në vitet ’90, pasi filloi lufta për pavarësinë nga Serbia dhe shkakoi krizë të madhe refugjatësh. Ademi ka lindur në Gjermani, ajo jetoi atje derisa familja e saj fitoi ‘green cards’ për të jetuar në Shtetet e Bashkuara. Tani ajo është në të 20-at (edhe pse asnjëherë nuk e ka zbuluar moshën e saktë). Ajo ka shkuar në Kosovë për të nisur karrierën muzikore”, shkruan ‘New York Times’. Në një moshë fare të vogël, Melinda mori pjesë në ‘American Idol’, por së fundmi ka zbuluar se muzika në vendin e saj është ajo që e inspiron./revistawho.com
