RESHJET/ Autobusi i linjës me pasagjerë Tiranë-Kukës del nga rruga dhe përmbyset

Një autobus i linjës Tiranë-Kukës ka dalë nga rruga dhe është përmbysur në aksin rrugor Thumanë – Fushë- Krujë, në afërsi të fshatit Derven. Siç raporton agjencia e lajmeve “NOA”, aksidenti ka ndodhur mbrëmjen e sotme rreth orës 21:00, kur autobus i linjës Tiranë-Kukës, me targa AA 346 AC, për shkak të reshjeve të shiut ka rënë në ujë. Të gjithë pasagjerët kanë dalë nga autobuzi dhe janë në gjendje të mirë shëndetësore. Efektivët e Policisë, zjarrëfikësja dhe ambulanca janë në gadishmëri të plotë.