“Kujdes, Era do t’ju përtypë si kanibal nëse ngatërroheni me të”, është ky kryetitulli i revistës amerikane “V”. Pas famës së “Bonbon”, Era u bë pjesë e kopertinës së revistës “V” në qershor të votot të kaluar. Ndërsa tani me publikimin e këngës së re “Redrum”, revista prestigjioze i ka kushtuar një artikull asaj duke e quajtur si rikthim të fuqishëm të Erës. Më poshtë mund të lexoni artikullin:
Këngëtarja dhe tekstshkruesja Era Istrefi rikthehet në skenë duke publikuar këngën e saj të re në bashkëpunim me Felix Snow, pas hitit të saj “Bonbon” i cili i bëri të gjithë të flisnin shqip, gjuha amtare e Istrefit. Ndoshta e referuar nga filmi “The Shining”, kënga quhet “Redrum” ose “vrasës”. Video fillon me Istrefin duke ecur me çizme të larta dhe një pelerinë të kuqe. Gjithçka është e kuqe. Vëthët, tualeti i syve dhe çdo veshje që ka përdorur në klip përputhet me temën e këngës. Madje është edhe një pjesë e Istrefit me thonjtë e saj të gjatë dhe të rrezikshëm, teksa gjaku derdhet nëpër gishta. “Nëse bëhesh djall, do të të lë pa ndjenja. Ku shkoj unë ti më ndjek. Kështu që sillu mirë. Dashuria ime është e ëmbël dhe e hidhur, por unë mund të të tregoj parajsën. Por në fillim ulu në gjunjë” këndon Istrefi. Teksa teksti është misterioz dhe kërcënues, Istrefi ngjan sensuale, imponuese dhe më e rëndësishmja, në kontroll të plotë të vokalit dhe shprehisë në lëvizjet e saj./revistawho.com
