Revoltohet Laura Pausini: Në avion më ndanë 11 orë nga vajza, njerëz egoistë

Një ndodhi e pakëndshme ka shqetësuar këngëtaren italiane, shumë e dashur edhe në Shqipëri, Laura Pausini. Atë e kanë ndarë në avion nga e bija 2 vjeçare, duke i caktuar secilës nga një vend të ndryshëm, jo pranë njëra- tjetrës. Këngëtarja udhëtonte drejt Miamit në një fluturim që zgjati 11 orë. Ajo qëndroi larg vajzës së saj të vogël Paola, pasi askush nuk kishte pranuar t’i ndërronin vendin. E revoltuar Laura është ankuar në rrjetet sociale. “Fatkeqësisht na kanë ndarë të gjithëve nëpër vende dhe jam e shqetësuar sepse Paola është e vogël, dha askush nuk pranon të ndërrohemi. Bëmë kërkesë dhe na refuzuan. Jo sepse jam Laura Pausini, por sepse është një vajzë e vogël dhe një vajzë e vogël duhet të rrijë pranë prindit, por ju e dini si është, ca njerëz janë pak egoistë”, ka shkruar Laura.