Ndër të ftuarit special mbrëmjen e sotme në “Zonë e Lirë”, ka qenë edhe aktori i njohur i humorit, Rezart Veleshnja. Me siguri e dini që një nga personazhet që ai ka realizuar në spektaklin ‘Portokalli, është edhe moderatori Arian Çani. Për herë të parë para disa muajsh, vetë moderatori i ‘Zonë e Lirë’ u bë pjesë e skeçit të Rezartit me pjesmarrjen e tij dhe e ftoi live për t’i kthyer vizitën.
Pikërisht sot, Rezarti ka qenë për herë të parë i ftuar në “Zonë e Lirë”, por edhe në Klan Tv. Gjatë pyetjeve përballë Arian Çanit, ai foli për admirimin që ka për ‘Sheshin Skënderbej’ si një nga punët më të bukura të bëra në Tiranë, por e ndërpreu në mes fjalën kur Ariani i tha se po bënte marketing.
“Ka aktorë të tjerë që merren me politikë, unë nuk jam një nga ata”,-tha Rezarti. Rezi foli gjithashtu edhe për jetën e tij private, duke treguar se është i dashuruar me një vajzë e cila nuk i përket botës së televizionit. I pyetur nga Çani nëse do të kishim së shpejti ndonjë martesë në horizont komediani i njohur tha: “ Do të ndjek këshillën tënde Çani do të martohem 40 vjeç”. /revistawho.com
