Rezarta Shkurta flet për mungesën 4-vjeçare të bashkëshortit: Nga dashuria për njëri-tjetrin kaluam çdo gjë

1 vit më parë Rezarta Shkurta u bashkua sërish me bashkëshortin e saj Ermal Hoxha, i cili për 4 vite vuajti dënimin me burg. Gjatë asaj kohe Rezarta publikonte shpesh dedikime drejtuar partnerit të saj, duke treguar sa shumë e ndjente mungesën e tij. Së fundmi Shkurta ka folur publikisht se si e ka përjetuar atë periudhë dhe se si ndihet tashmë që Ermali është pranë saj. Artistja ka rrëfyer se nuk ka qenë aspak e lehtë të jetojë 4 vite pa praninë e bashkëshortit, por ata arritën të përballonin gjithçka falë dashurisë së fortë për njëri-tjetrin. “Ka pasur vështirësitë e veta. Nuk ka qenë e lehtë 4 vite mungesë dhe e kuptuam se ishin shumë kur ishim përballë njëri-tjetrit. Mendoj se fatmirësisht dhe fatkeqësisht jam çmendurisht e dashuruar me atë burrë dhe më vjen pak inat sepse mund ta quaj veten grua të varur nga dashuria për partnerin e saj. Dashuria na bëri të kalojmë çdo gjë dhe jam e bindur që kjo sprovë që kaluam ishte asgjë, mund të kalojmë dallgë më të mëdha dhe Zoti mos na vëntë në prova të tilla”, është shprehur Rezarta. Ndër të tjera ajo ka shtuar se ka dashur që këto kohë të shijojë familjen e saj dhe nuk e di nëse në të ardhmen do të sjellë në jetë një tjetër fëmijë. Rezarta dhe Ermali janë prindër të një vajze të quajtur Hera, me të cilën kanë krijuar një lidhje shumë të ngushtë. /revistawho.com