Rezarta Shkurta është surprizuar në mënyrën më të bukur nga bashkëshorti i saj Ermal Hoxha. Ai ka zgjedhur t’i dhurojë një detaj simbolik dhe shumë të veçantë ku duket se është pasqyruar rrahja e zemrës, ndërsa krahas saj shkruhej: “Rezi të dua”.
E emocionuar si kurrë më parë, bukuroshja e ekranit ka shkruar disa fjalë për të në shenjë falenderimi dhe dashurie.
“As në ëndrrat më të bukura të adoleshencës kur mendoja për princin e kaltërt nuk e kisha imagjinuar se një ditë në jetën time do kisha dikë që do kujdesej çdo ditë ta bënte speciale. Je dashuria ime, je miku im, je babai më i mirë në botë, je përtej çdo ëndrre. Të dua shpirti im”, shkruan ajo me emocion.
Rezarta dhe Ermali njihen si një nga çiftet më simpatikë të showbiz-it. Ata janë bashkë prej kohësh dhe kanë një vajzë që quhet Hera. Surprizat dedikuar njëri-tjetrit janë shumë të shpeshta dhe jo rrallëherë ndahen me publikun. / revistawho.com
