Rezarta Shkurta ka reaguar pas deklaratës së astrologe Merit, duke e quajtur gënjeshtër. Po çfarë ka ndodhur? Meri (Akrep) e ftuar të dielën në “E diell”, u përfshi në një debat me Roza Latin (Binjak) rreth karakteristikave të shenjave të horoskopit. Në një moment Roza u shpreh se ka qenë Rezarta Shkurta (Akrep) që ia ka injektuar dashurinë për astrologjinë. “E përshëndesim se e kam dhe kliente”, ia ktheu Meri. Video bëri xhiron e rrjetit këto ditë prandaj Rezarta vendosi të reagojë ashtu si një Akrep që nuk të fal kollaj. “Ajo si astrologe duhet ta dijë mirë që ne akrepat i luftojmë gënjeshtrat”, shkruan Rezarta teksa tregon se nuk është kliente e astrologes dhe e ka takuar atë vetëm një herë në kafen e një televizioni ku ishin të ftuar. “Gënjeshtra e vogël apo e madhe është gjithmonë e shëmtuar”, shkruan Rezarta.
