“Pretty Woman” është kthyer në një film klasik që u ka rezistuar viteve dhe historia mund të vijojë, por me një kusht. Richard Gere ka zbuluar se ka një mënyrë të vetme sesi filmi mund të realizojë një pjesë të dytë.
“E gjitha varet nëse ka apo jo një skenar të mirë”, tha 75-vjeçari.
Filmi me regji të Garry Marshall rrëfen historinë e biznesmenit Edward Lewis dhe punonjëses së seksit, Vivian Ward. Ai njihet me të gjatë një udhëtimi pune në Los Anxheles dhe e merr në dhomën e tij të hotelit për një natë që kthehet në një javë, pa e menduar se do të dashurohej marrëzisht pas saj.
