Ricky Martin është mahnitur nga mikpritja e shqiptarëve teksa po qëndron në vendin tonë për koncertin që do të mbajë në sheshin Skënderbej. Ylli i muzikës latine ka promovuar Shqipërinë tek mbi 18 milion ndjekësit e tij në Instagram duke e quajtur fakt se “Toka e Shqiponjave” është një nga vendet më miqësore që ka vizituar ndonjëherë.
“Shqiptarët janë tepër miqësorë. Një nga gjërat më të mira të udhëtimit në Tokën e Shqiponjave është se kudo që të shkoni, nga kryeqyteti në riviera, nga malet në qytetet historike, do të jeni të mirëpritur nga vendasit. Shqipëria është një nga vendet më miqësore që do të vizitoni ndonjëherë”, shkruhet në postimin e ndarë nga Ricky Martin.
“Fakt”, shton ai krah postimit.
