Rihanna do të t’u rikthehet turneve, dhe fansat nuk mund të kishin lajm më të bukur se ky.
Sipas “The Sun”, datat për Amerikën e Veriut janë vendosur dhe pas shfaqjes në “Super Bowl”, Rihanna do të organizojë një turne botëror dhe datat për Evropën do të publikohen në vitin 2024.
Artistja është parë disa herë në studio muzikore, por zërat thanë se kishte shkuar për të vizituar partnerin e saj, A$AP Rocky. Gjithsesi, ajo sërish ka publikuar 2 këngë për “Black Panther 2: Wakanda Forever”, të cilat janë: “Lift Me Up” dhe “Born Again”, ndaj mund të kemi një album dhe një turne.
34-vjeçarja është shkëputur nga koncertet gjatë viteve të fundit, ku për herë të fundit performoi në vitin 2016 në Mbretërinë e Bashkuar. Rihanna po kalon shumë kohë duke punuar në studio gjatë muajve të fundit dhe thuhet se po fokusohet në performancën e saj në arenën gjigande të futbollit amerikan, “Super Boul”.
Le të shohim ç’plane ka Rihanna.
