Rihanna u shpall “Bamirësja e vitit” nga Univeristeti I Harvardit. Këngëtarja mbajti një fjalim që i preku të gjithë. Ajo e hapi fjalimin me një shaka: “Më në fund ja arrita të jem në Harvard. Nuk e kisha menduar kurrë se do e thoja këtë”. Më pas fjalimi i saj ishte si një mesazh për të gjithë. “Nuk është e nevojshme të jesh e pasur për të ndihmuar dikë”, -tha Rihanna mes të tjerash. Më poshtë mund të lexoni fjalimin e saj.
“Kur isha e vogël mendoja me vete, sa 25 qindarka duhet të kursej për të shpëtuar të gjithë fëmijët në Afrikë? Dhe i thoja vetes se kur të rritesha dhe të bëhesha e pasur, do shpëtoj të gjithë fëmijët e botës. Kur isha adoleshente nuk e mendoja se do e bëja këtë. Gjithçka që duhet të bësh është të ndihmosh një person pa pretenduar të marrësh diçka në këmbim. Për mua, ky është humanitarizëm. Nuk është e nevojshme të jesh i pasur për të ndihmuar dikë. Nuk është e nevojshme të jesh i famshëm dhe as me shkollë të lartë. Humanitarizmi fillon që nga komshinjtë tuaj. Thjesht bëj atë që mundesh në mënyrën që mundesh.”/revistawho.com
