Rihanna është një ndër personazhet e njohur më me influencë në botë. Përveçse për muzikën që bën shpesh Rihanna ka frymëzuar vajzat e reja për stilin dhe mënyrën e jetesës. Ajo është ndër të parat që sjell trendet e fundit të modës dhe në çdo dalje publike e kemi parë të kuruar në detaj. Së fundmi këngëtarja ka qenë e pranishme në një event të organizuar nga kompania e saj e produkteve kozmetike. Ajo që bie më shumë në sy nga fotografitë që Rihanna ka publikuar në ‘Instagram’ është veshja e saj. Këngëtarja ka zgjedhur të vishet nga koka tek këmbët me print gjarpri. Mbi të gjitha më shumë tërheq vëmendjen kapelja e saj në formë kove. Këto kapele vite më parë kanë qenë shumë trend dhe përdoreshin shumë, jo vetëm në verë por edhe në dimër.
Megjithatë prej vitesh këto lloj kapelesh janë lënë në harresë, duke qenë se ka qenë mbizotërues një lloj trendi tjetër. Por pasi Rihanna u shfaq me këtë kapele në kokë, është e sigurt se ato do të rikthehen sërish në modë. Ndoshta nuk i keni shumë të preferuara, por nëse mësoni si t’i kombinoni mund të duken shumë bukur. /revistawho.com
