Në vitin 1998 në një rrugë të Amsterdamit është gjendur trupi i pajetë i një gruaje. Sot, pas 18 vitesh është rihapur çështja nga një emision investigativ në Hollandë. Trupi besohet se është i një gruaje shqiptare nga Elbasani, nënë e tre fëmijëve. Gazetari Bernard Pecnikaj ka kontaktuar me kolegët e tij në Hollandë dhe policinë për të marrë të dhënat e gruas. Ai ka zbuluar vetëm një foto, sepse të tjerat janë pamje të rënda.
Ja çfarë thotë gazetari: “Të dashur miq. Kemi nevojë për ndihmën tuaj për të identifikuar një vajzë shqiptare të pajetë, e gjetur në rrugët e Amsterdamit në Hollandë, në Korrik të vitit 1998. Karakterstikat janë këto:
– Gjatësia 151 cm
– Flokët e zeza (të gjata)
– Sytë kafe
– Trup i imët
– Disa shenja në barkun e saj tregojnë se ajo mbase kishte lindur fëmijë.
– Në të dy parakrahët ka tatuazhe ngjyrë blu.
Do kërkoja nga gjithë familjarët që u mungon një pjesëtar i familjes (femër) që prej vitit 1997-1998 që përputhet me karakteristikat më lart të më kontaktojë në inbox dhe të më dërgojë një foto për të bërë krahasimin. Faleminderit për bashkëpunimin”.
