Pas bujës së madhe gjatë Kampionatit Europian ku Rikja e BB u cilësua si tifozja më seksi shqiptare, ajo ka vendosur të kalojë ca ditë të qeta. Rikja është arratisur me pushime, nga ku dhe ka postuar fotot e para me bikini. “Po pushoj në Salento të Puglias me familjen. Po shijoj familjen time dhe sidomos mbesën”, tha ajo për “Panorama”. Edhe kësaj here ajo bie në sy për format e plota fizike pa ndjerë nevojën e ndonjë ndërhyrjeje estetike. “Më komplimentojnë dhe për portretin dhe për trupin në Itali. Dhe kryesorja, për faktin që jam shumë e thjeshtë si vajzë. Sa u takon linjave, s’bëj palestër, madje jam shëndoshu këtë verë. Por dua ta theksoj që çdo gjë është originale në trupin tim”, ka përfunduar Rikja.
