Kitaristi Keith Richards ka thënë se dëshiron që grupi The Rolling Stones të rikthehen në studio dhe të krijojnë albumin e tyre të ri.
Richards ka lançuar më 18 shtator albumin e tij të fundit solo me titull “Crosseyed Heart”. Ndërkohë ai ka thënë se do donte që The Rolling Stones të riktheheshin në prill me albumin e tyre të ri. Ai ka konfirmuar se anëtarët e grupit janë takuar dhe kanë rënë dakord që të fillojnë regjistrimet për albumin e ri.
Në intervistën për The Sunday Times, Keith Richards është shprehur se ndonëse të gjithë kanë menduar se The Rolling Stones kanë hequr dorë nga muzika, kjo nuk është aspak e vërtetë.
