Këtë të dielë do të rikthehet në ‘Portokalli’ aktori i njohur i humorit, Erand Sojli. Në një intervistë për ‘Top Channel’, ai zbuloi se është shumë i emocionuar për këtë fakt. Pavarësisht se jeton në Amerikë, asgjë nuk e ka ndalur aktorin e njohur që të rikthehet për publikun shqiptar. “Unë jetoj në Amerikë dhe vij për të punuar në ‘Portokalli’ sepse nuk më ndahet shpirti nga ky spektakël. E kam nisur këtu dhe e ndjej se duhet të jap kontributin në mënyrë që të ketë shkëlqimin e gjithanshëm. Unë dua të ndjej dhe njëherë dashurinë e madhe të publikut në këtë spektakël, i cili është më i shikuari nga komuniteti shqiptar në Amerikë, ku unë jetoj dhe ushtroj profesionin tim si artist”,-shprehet Erand Sojli për ‘Top Channel’.
Kujtojmë se aktori është i njohur për shumë role në programin e së dielës, ndër ta “Xhixh Merimonga” dhe “Naqja”./revistawho.com
