Ylli i filmave Pitch Perfect dhe The Hunger Games, Elizabeth Banks, po sjell sërish në ekranin e madh një film te ri të Charlie’s Angels për të cilin tashmë ka dalë dhe data se kur do të shfaqet në kinema. Kompania Sony Pictures konfirmoi që filmi do të fillojë shfaqjen e tij më 7 Qershor të 2019, megjithatë nuk ka akoma detaje se kush do të jenë protagonistet e kastit. Farrah Fawcett-Majors, Cheryl Ladd, Kate Jackson dhe Tanya Roberts ishin Ëngjejt e parë në serialin original të vitit 1976 deri ne 1981. Më pas Cameron Diaz, Drew Barrymore dhe Lucy Liu morën rolet kryesore në dy filmat e suksesshem të viteve 2000, ndërsa nuk zgjati më shumë se 4 episode, seriali në ABC me protagonistë Minka Kelly, Rachael Taylor and Annie Ilonzeh’s.
