Rikthehet Robbie Williams

Robbie Williams rikthehet në industrinë e muzikës me albmin e tij të ri të titulluar “Heavy Entertainment Show” i cili do të publikohet me 4 nëntor të këtij viti. Pas një shkëputjeje 3-vjeçare Robbie kishte vendosur të niste një profesion të thjeshtë si ai i një hidrauliku apo shoferi pasi të bërit muzikë nuk i jepte më kënaqësi. Ai shkëputi kontratën e tij me kompaninë gjigante te produksionit “Universal” me të cilën prodhoi 11 albume të suksesshme për të nënshkruar një kontratë të re nga e cila u zhvillua ky album. Për revistën “The Sun” këngëtari është shprehur se titullin e albumit e vendosi si frymëzim nga emisionet që ai shikonte kur ishte fëmijë. Albumi do ketë bashkëpunime të ndryshme si ai me Ed Sheeran, John Grant, Rufus Wainwright, Brandon Flowers, Stuart Price dhe Guy Chambers.