Pas disa javësh pushim, Luana Vjollca është rikthyer sërish për të nisur punën për sezonin e ri televiziv. Nga e shtuna e javës tjetër Luana do të shfaqet sërish në ekranin e “Top Channel” për drejtimin e emisionit të mbrëmjes, “Shiko kush luan”. Luana ka publikuar promon e emisionit, në të cilin vihet re se këtë sezon do i bashkohet skuadrës Rezart Veleshnja. Ndërsa Florjan Binaj vazhdon të jetë po aty, duke mbajtur rolin si kapiten i njërit prej skuadrave. Në reklamën e “Shiko kush luan”, Luana, Flori dhe Rezarti shihen duke rregulluar vetë studion, duke treguar në këtë formë se Vjollca është shumë e përkushtuar në emisionin e saj, ku ka dhe rolin e autores. Bashkangjitur videos që ka publikuar Luana ka shkruar: “Bletat punëtore e bënë gati skenën. ‘Shiko kush luan’ rikthehet më datë 28 shtator në ‘Top Channel’ me 2 super kapitenët Florjan Binaj dhe blerja e re Rezart Veleshnja. Di t’ju them që nuk duhet ta humbisni për asnjë arsye! Edhe pse e di që mezi po prisni dhe ju njësoj si unë. ‘Shiko kush luan’ çdo të shtunë 21:00”.
https://www.instagram.com/p/B2lyQZ7nupD/?igshid=1ng5fmjv0z6y2&fbclid=IwAR0pl3oi34Vo6JYwPpJK2Oayv4KZt0MM5q26rJP1V9fdHnHv-wB6NFFUXBs
Luana ka tre vite që drejton me sukses emisionin argëtues dhe gjatë kësaj kohe ja ka dalë mbanë më së miri që të thyejë shpesh edhe rekorde shikueshmërie. /revistawho.com
