Është thënë se këtë vit është kthyer sërish moda e ’80 – ’90. Ata më nostalgjikët e asaj kohë nuk kanë nguruar ta përqafojnë menjëherë stilin e atyre viteve. Zakonisht të parat që interesohen për modën janë femrat, por edhe meshkujt duhet thënë se nuk mbeten pas. Nëse i shikoni me kujdes videoklipet e realizuar së fundmi, duket se një pjesë e këngëtarëve shqiptarë kanë marrë prej atyre viteve stilet më të bukura. Madje njëri prej tyre është ndër të parët këngëtarë shqiptarë që ka vendosur t’i rikthehet asaj kohe. Bëhet fjalë për reperin Ledri, i cili me stilin e tij ‘retro’ në videoklipet e fundit ngjan si një personazh i dalë nga filmat e viteve ’80.
Mund të vihet re në këngën “Princess Diana” apo “Mike”. Megjithatë ai nuk është i vetmi. Mund të përmendim edhe Lyrical Son, Besnik Qaka i “NRG Band” dhe Capital T. Kostumet me ngjyra, pantallonat me pak bel të lartë apo dhe këmishat me lule janë elementët kryesore të viteve të mëparshme, që po rikthehen sërish në vëmendjen e gjithë ndjekësve të stilit dhe modës. /revistawho.com
