Për disa breza kujtimet e shkollës janë të lidhura ngushtë me uniformën e zezë dhe jakën e bardhë, përparësja që e kanë veshur të gjitha vajzat dikur. Nëse shumica hapin fotot dhe risjellin në memorie ca kujtime për atë kohë, të tjera vajza sidomos të ekranit e kanë risjellë detajin e jakës tek veshja në fjalë në modën e tanishme. Përgjithësisht e vendosur në fustane me gjatësi mbi gju ose deri në gju, kjo veshje po pëlqehet shumë.
Iva Tiço, Marçela Lati, Armina Mevlani dhe Orgesa Zaimi, na frymëzuan, secila duke kombinuar stilin e saj me jakën e bardhë me gurë ose me qëndisje. Njëra pak më klasike, tjetra pak më rock në stil, por secila shumë pranë vetvetes.
E bukura e jakës është edhe fakti që të ul disa vite në paraqitje, gjë që e bën më të lehtë rikthimin pavetëdije në kujtimet e bukura të së shkuarës, fëmijërisë dhe bankave të shkollës. Cilado stinë qoftë një veshje e tillë do ju nderojë sido ta vishni./revistawho.com
