Pas disa muajsh shkëputje, Xhensila Myrtezaj pritet të rikthehet në muzikë me një bashkëpunim me Pirron Çakon. Dy artistët shqiptarë kanë paralajmëruar se kënga e tyre do të jetë një baladë që do të prekë zemrat e të gjithëve. Ky projekt pritet që shumë shpejt të finalizohet me publikimin e një videoklipi, të cilin këngëtarët ja kanë besuar regjisorit të njohur, Eduart Grishaj. Xhensila udhëtoi së bashku me Besin dhe Eduartin drejt Italisë për të xhiruar klipin, që me siguri do të jetë një ndër më të realizuarit.
Kjo nuk është hera e parë që Xhensila bashkëpunon me Eduartin, sepse ai ka xhiruar disa klipe të Besit si dhe ka fiksuar dasmën e tyre dhe ai e di shumë mirë se çfarë do këngëtarja. Eduart Grishaj ka shumë kohë që ushtron këtë profesion, ndërsa vitet e fundit është i angazhuar si regjisor në emisionin “Dua të të bëj të lumtur” në “Top Channel”. /revistawho.com
