Juliana Dodaj e njohur si Xhuli, ka qenë një nga lojtaret më të forta të “Big Brother 7”, e cila edhe pse jeton në Itali nuk qëndron indiferente ndaj këtij spektakli. Rastësia e ka njohur jashtë shtëpisë me dy prej banorëve më të spikatur të këtij edicioni, Armelën 21-vjeçare nga Tirana dhe Damianon. Në një intervistë për gazetën “Panorama”, Xhuli rrëfen se Armela punonte si PR në një karaoke në Tiranë.
“Armelën e kam njohur para dy viteve dhe në atë kohë punonte si PR në një karaoke në Tiranë. Nuk di gjë më pas… Ajo ishte shoqja e ish-it tim dhe më ka rastisur të rrija shpesh me të. Mund të them që është vërtetë e bukur dhe s’më ka pëlqyer paragjykimi i kosovares për racën. Mbi të gjitha jemi njerëz të Zotit. Armela është e bukur, e zgjuar dhe e dashur, edhe pse kush nuk e njeh mund të shohë tek ajo vetëm mendjemadhësinë në dukje. Kështu mendoja edhe unë kur e takova për herë të parë, por është thjesht një fasadë që krijon prezenca e saj për momentin. Kur e njeh Armelën është vajzë flori. Gjithsesi për në “Big Brother” duhet më shumë se bukuria”.
