Duket se ky është kombinimi më i mirë dhe më i dashur i të dyve. Rita me fustan të bardhë dhe Taika Waititi me kostum gri, një zgjedhje ideale që edhe pse të kujton shpesh dasmat, Rita dhe i dashuri i saj po e kthejnë në “hit” të daljeve të tyre në tapetin e kuq. Me një fustan të bardhë të shkurtër, “Azzi &Osta” Rita u shaq për herë të parë krah regjisorit të famshëm këtë gusht, duke konfirmuar lidhjen e tyre. Po fustan të bardhë po këtë herë të gjatë, këngëtarja me origjinë shqiptare zgjodhi mbrëmjen e djeshme në premierën e “Eternals” dhe nuk e dimë se ku tjetër Ritën do ta shohim të veshur kështu.
Ajo ka pohuar se ky është momenti më i lumtur në jetën e saj dhe ndoshta pikërisht si një simbol të paqes e dashurisë, zgjedh të vishet me të bardha. Gjithsesi mund të themi se kjo ngjyrë dashurie i shkon shumë Ritës, e urojmë ta shohim më shpesh kështu.
Një detaj tjetër që nuk mund të na shpëtoj nga sytë, është fakti se Rita në çdo dalje mbështetet tek Taika, aq sa na duket pak si e ndrojtur ose si një kotele që përkëdhelet.
Në fakt mes saj dhe Taikës janë plot 16 vite diferencë dhe fakti që ajo shfaqet kaq e “dorëzuar” krah tij mund të jetë prej sigurisë që kërkon të ndjejë përherë./revistawho.com
