Rita Ora është një nga këngëtaret me origjinë shqiptare e cila gëzon një famë ndërkombëtare. Artistja e njohur nuk ka hezituar në asnjë moment të flasë për origjinën e saj, duke pohuar për të gjithë se është shqiptare. Disa vite më parë, Rita realizoi dhe videoklipin e saj me titull ‘Shine Your Light’, të cilin vendosi ta xhirojë në Kosovë midis gjithë njerëzve të vendit të saj.
Ndërsa ditën e sotme, duket se artistja është kthyer pas në kohë, duke kujtuar me nostalgji këtë moment special në jetën e saj.
“Ne shkëlqejmë. Sot është përvjetori i këngës sime ‘Shine Your Light’. Kaq shumë kujtime të mrekullueshme teksa xhiroja videoklipin në Kosovë, e duke parë kaq shumë njerëz duke e bërë të mundur që kjo të ndodhë. Një nga këngët e mia solo të para që nuk do ta harroj kurrë. Faleminderit të gjithëve”, ka shkruar Ora krah videos së këngës hit.
Mesa duket Rita ka zgjedhur të kujtojë edhe njëherë për të gjithë origjinën e saj, duke sjellë në kujtesë klipin e realizuar 7 vite më parë në Kosovë. Kujtojmë se ardhja e yllit ndërkombëtar në Shqipëri në atë kohë, i emocionoi të gjithë fansat pamasë, shumica e të cilëve nuk munguan dhe në sheshin ku Rita xhiroi një pjesë të klipit./revistawho.com
https://www.instagram.com/p/B4dBup5lFHV/
