Rita Ora: E adhuroja Calvin Harris, mendoja që s’do gabonte kurrë

Ylli i muzikës botërore Rita Ora nuk e ka harruar ende dashurinë dhe lidhjen që kishte me muzikantin Calvin Harris. Ajo vazhdon të flasë për të dhe për sa shumë e donte, teksa ai po jeton një romancë të zjarrtë me një tjetër këngëtare bionde, simpatiken Taylor Swift. Në një rrëfim për revistën “Maire Claire”, Rita ka folur për ish të dashurin e saj të cilin thotë se e adhuronte. “Ishte një arsye pse u ndava me të. Unë e adhuroja më shumë se ç’duhet, deri në atë pikë sa mendoja që ai nuk do gabonte kurrë”, ka thënë ajo. Aktualisht këngëtarja sapo ka publikuar materialin e fundit muzikor “Body on me” dhe është anëtare e jurisë së talent show-t “X Factor” në Britaninë e Madhe.