Më në fund dita e shumëpritur dhe ora e super muzikës mbërriti! Rita Ora u ngjit në skenën e “Sheshit Skënderbej” dhe që në momentin e parë rrëmbeu me mijëra duartrokitje. Talenti i saj është i padiskutueshëm dhe për këtë arsye sheshi u mbush përplot nga gjithë dashamirësit e muzikës së këngëtares me origjinë shqiptare. Në ndryshim nga koncerti në vitin 2012, Rita kishte zgjedhur një veshje të verdhë që shkon përshtat me ngjyrat e stinës së verës.
Pasi e gjithë skena dhe sheshi u ndez nga performanca e saj, Rita vendosi ta hiqte tylin në pjesën e sipërme të veshjes. Por ndryshimi më i madh i kësaj radhe ishte ngjyra e flokëve të saj, nga bjond në të kuq dhe për këtë ka pasur një arsye të fortë. Ajo ka treguar se flokët i bëri si një dhuratë për Shqipërinë, njëlloj si ngjyra e flamurit. Më pas Rita tërhoqi në skenë disa vajza nga publiku, mes të cilave ishte Eva Muarti, Anna Gjebrea dhe aktorja Enxhi Cuku.
Pas performancës në Tiranë, Rita Ora do të niset për koncertin e radhës në Verona. /revistawho.com
