Rita Ora ka mbajtur një koncert në Sydney mbrëmjen e djeshme dhe gjatë performancës së saj brenda vendit të quajtur Luna Park, 28-vjeçarja ka ndaluar shfaqjen për shkak të një djali. “Duhet të ndalojmë, të gjithë. Askush të mos luajë asnjë muzikë”, u shpreh këngëtarja duke ndaluar performancën e saj. Të gjithë heshtën, duke i dhënë mundësinë fansit të saj të zbulojë emrin. “Adam ka një pyetje”, shtoi Rita. Ai e pyeti atë nëse mund të afrohej më shumë tek skena, por Rita e refuzoi duke i thënë se të gjithë kanë paguar një biletë për të qenë pjesë e shfaqjes. “Adam sapo pranoi që erdhi në koncert duke mos e ditur se çfarë do shihte dhe tani sapo fitova një fans. Shumë faleminderit Adam, tani duhet t’i kthehemi shfaqjes, më falni të gjithë”, tha Rita me krenari, duke vazhduar koncertin normalisht. Performanca e saj ka marrë shumë komente pozitive edhe në postimet në ‘Instagram’./revistawho.com
