Rita Ora është ndër ato këngëtare që impenjohet për të dhënë maksimumin në punën e saj. Të gjitha këngët e Ritës kanë arritur me miliona shikime në ‘Youtube’ dhe renditen të parat në çdo platformë muzikore, që në momentin e parë që dalin në treg.
Për shkak të gjithë sukseseve të kohëve të fundit dhe duke qenë se ja ka dalë mbanë e vetme si një femër, Rita ka vendosur të mbajë një tur muzikor. Ditën e sotme ajo ka njoftuar se në disa vende të ndryshme kryesisht në ato të Anglisë dhe Gjermanisë do të mbajë koncerte që do të jenë për mbështetje të femrave. Në postimin e saj në ‘Instagram’, Rita ka hedhur mesazhe të forta feministe, për të treguar se femrat mund të jenë të pavarura.
“Jam shumë e lumtur të njoftojë emrin e turit tim! Vajzat! Ka shumë femra frymëzuese që do të bashkohen me mua në këtë tur muzikor. Ne jemi të gjitha femra krenare të pavarura dhe do të prezantojmë se kush jemi ne dhe do të mundohemi t’u argëtojmë! Ky është një festim për femrat! Kjo është një zonë pa gjini, sepse të gjithë jemi të barabartë dhe ne duhet të ngrihemi për këtë gjë! Tani le të kërcejmë!”, – ka shkruara këngëtarja me origjinë shqiptare. /revistawho.com
