Rita Ora, e suksesshme në muzikë, duket se dëshiron të provojë veten edhe në një fushë tjetër. Në një intervistë për Becca Dudley, Ora është shprehur se ka filluar të shkruajë skenarin e një filmi. Gjyshi i artistet, Besim Sahatçiu, ka qenë skenarist i njohur dhe dëshira e tij para se të vdiste ishte të shihte Ritën të bëhej dikush në këtë fushë. “Gjyshi im ishte i paparë! Ai bënte filma dhe e mbaj mend një gjë të tillë sepse para se të vdiste, ai më tha: ‘Kam dashur gjithmonë që ti të bësh filma’. Dhe tani që po e bëj këtë, është kaq bukur. E di që ai po më sheh!”- është shprehur këngëtarja.
