Rita Ora që ka udhëtuar për në Dubai për të promovuar linjën e re të veshjeve ‘Adidas’, është pritur në një qendër tregtare me flamurin e Kosovës. Këtë e ka njoftuar vetë këngëtarja përmes rrjetit social, Snapchat, në të cilin ka publikuar një video të shkurtër, ku shihet duke i dhënë autograf një fanseje që i kishte ofruar flamurin e Kosovës, transmeton “Kosovarja”. Këngëtarja shqiptare me famë botërore shpeshherë ka rrëfyer për mediat botërore për historinë e saj dhe prejardhjen nga Kosova. Vitin e kaluar, Rita Ora u shpall edhe Ambasadore Nderi e Kosovës nga Presidentja Atifete Jahjaga.
