Rita Ora i ka habitur të gjithë mbrëmjen e djeshme pasi u shfaq në Festivalin e Kanës në një bashkëpunim me ‘Magnum’. Ajo ishte veshur më me stil se kurrë me një bluzë të shkurtër, fund të gjatë dhe një pelerinë të hedhur pas krahëve në ngjyrë violetë që i nxirrte në pah fizikun e formuar nga ushtrimet e vazhdueshme.
Këngëtarja ka ditur si t’i bëjë të gjithë të kthejnë kokën në parakalimin në festivalin madhështor. Kjo është dalja e parë e saj në Kanë dhe siç duket është kujdesur të lërë përshtypjet më të mira. Së fundmi, Rita Ora është bërë imazh i ‘Magnum’, një nga firmat më të mëdha të akulloreve në botë. / revistawho.com
