Rita Ora ka zhvilluar së bashku me kryebashkiakun Erion Veliajn një bashkëbisedim me studentët e Liceut Artistik. Këngëtarja me famë botërore ka motivuar të gjithë të rinjtë që të luftojnë për ëndrrat e të kenë besim tek vetvetja.
“Kur ju rriteni do të takoni njerëz që do t’ju frymëzojnë të bëni diçka, të tjerë do t’ju thonë se nuk do t’ia dilni dot dhe kjo mund t’ju bëjë të humbni besimin. Por, duhet të fokusoheni te vetja juaj dhe të mos i dëgjoni çfarë thonë të tjerët. Duhet t’i provoni atyre se janë ata që e kanë gabim. Kjo më ka bërë mua të eci përpara”, tha Rita.
