Fundjavën që lamë pas Rita Ora ishte një ndër emrat më të përfolur në shtypin botëror. Këngëtarja ka zbuluar detaje nga lidhja e saj me një djalë 26 vjeç, kur ajo ishte vetëm 14 vjeçe. Ky fakt është komentuar si abuzim me të mitur, ndonëse Rita nuk e cilëson si të tillë.
Sidoqoftë, këngëtarja rikthehet në vëmendje me një tjetër fakt shokues nga jeta e saj. Kur familja e saj është shpërngulur në Britani, u detyrua që Ritën dhe motrën e saj Elenën t’i linin në jetimore, për shkak të statusit që kishin asokohe. Të gjitha këto janë lajme që vijnë nga libri autobiografik i Rita Orës, “Hot Right Now”, i cili ende nuk është publikuar.
