Rita Ora është e para femër që pozon për një revistë shumë të njohur në Lindjen e Mesme. Në çdo kopertinë të revistës ‘Esquire’ janë shfaqur vetëm meshkuj dhe prandaj kjo cilësohet si një arritje për Ritën. Duke qenë se Lindja e Mesme gjithmonë është njohur për paragjykimet ndaj femrave, duhet thënë se kopertina e këngëtares shqiptare është një hap drejt emancipimit. Rita ka pozuar me një fustan të zi me dekolte dhe ka treguar se çdo të thotë të ndihesh seksi.
Këngëtarja shqiptare në këtë intervistë ka folur për çështje që në Lindjen e Mesme cilësohen tabu. “Më pëlqen të jem në harmoni me trupin tim dhe të qenurit seksi nuk më duket si një formë mosrespektimi ndaj njerëzve të tjerë ose edukimit tim. Është një formë e lirisë së shprehjes. Mua më duket shumë fuqizuese. Ju e dini që edhe meshkujt publikojnë fotografi të trupit të tyre në ‘Instagram’ dhe askush nuk i kushton aq shumë vëmendje”, – ka thënë Rita. Gjithashtu ajo ka kërkuar që meshkujt të mbështesin më shumë lëvizjen ‘#MeToo’ për mbrojtjen e vajzave të prekura nga abuzimi seksual. /revistawho.com
