Robbie Williams është i njohur për personalitetin e tij karizmatik por jeta e tij nuk ka qënë edhe aq e qeshur gjithmonë me të. Ditën e martë, këngëtari britanik ka folur për të shkuarën e tij të zhurmshme në një konferencë për shtyp.
Ai ka treguar për betejën e tij me drogën dhe sëmundjen mendore, duke thënë: “Në vitn 2006, unë u nisa për një turne botëror dhe përfundova në një qendër rehabilitimi, duke menduar se ai ishte fundi im”.
Këngëtari i famshëm ka treguar gjithashtu se sa shumë e vështirë ka qenë për të, që të rikthente besimin në vetvete në mënyrë që të bëhej edhe njëherë ylli që kishte qënë para se të largohej nga skena.
“Avash-avash arrita aty ku doja dhe tashmë jam në kulmin e suksesit”, ka shtuar këngëtari.
