Në media është aluduar shpesh se marrëdhënia mes Tunës dhe Nora Istrefit si dy kunata nuk është aspak e mirë. Madje shtuar kësaj, të gjithë kanë vënë re se vëllezërit Robert dhe Patris Berisha dhe bashkëshortet e tyre mungojnë gjithmonë në festat familjare të njëri-tjetrit.
Në ditëlindjen e vogëlushit të Tunës dhe Patrisit, Nora dhe Roberti nuk ishin të pranishëm. E njëjta gjë ndodhi në ditëlindjen e Renee. Megjithatë as vëllezërit dhe as Nora me Tunën nuk kanë preferuar të flasin për këtë gjë. Por ditën e sotme i ftuar në emisionin ‘Rudina’, Robert Berisha ka treguar se si qëndron e vërteta.
“Me Tunën nuk dua të takohemi. Për Tianin dhe Patrisin jap jetën. Nora me asnjë artist të estradës shqiptare nuk ka pasur probleme. Tuna është ajo që ka probleme me të gjithë estradën. Të gjithë e kanë gabim, vetëm ajo e ka mirë. Unë i kërkoj falje Patristit që nuk ishim në ditëlindjen e Tianit, por ne nuk do të shkojmë në asnjë festë familjare për shkak të Tunës”, – ka thënë Roberti. Megjithatë ai ka shtuar se e respekton vëllain dhe të gjitha zgjedhjet e tij. /revistawho.com
