Robert Berisha ka dhënë lajmin e hidhur të ndarjes nga jeta të nënës së tij. Në foton që ka publikuar ai ka shkruar vetëm pak fjalë, teksa dhimbja duket se e ka bërë shumë të vështirë të shprehet. “Pusho e qetë mami jem. Për ty me shkru kam shumë, por po e lë me kaq”, shkruan ai.
Nga ana tjetër nuk kanë munguar as disa fjalë zemre për ish-vjehrrën edhe nga Nora Istrefi, e cila ka publikuar një foto të Teutës krah Renes ku shkruan: “Ke qenë gjithmonë shoqja ime. Të kam dashur dhe më ke dashur. Uroj me zemër që shpirti yt i bardhë dhe një grua me kaq vlera të pushoj e qetë në paqe”.
Roberti ka bërë të ditur më herët që e ëma, Teuta ka pasur probleme me shëndetin. Në një urim dedikuar asaj 8 marsin që kaloi, këngëtari rrëfeu që ajo ishte operuar disa herë dhe kishte realizuar kimioterapi.
I shprehim ngushëllime Robertit dhe familjes së tij për humbjen e madhe./revistawho.com
