Lajmi se Era Istrefi do të këndojë për botërorin e 2018-ës, ka qenë kryefjala e të gjitha mediave. Për këtë arritje të Erës të gjithë ndihen krenar, sepse pavarësisht se skuadra shqiptare nuk mund të luaj në botëror ne do të kemi një përfaqësuese të denjë.
Aq më tepër, të gjithë personat e afërt të këngëtares duhet të ndihen akoma dhe më shumë krenar që Era po i ngjit një e nga një shkallët drejt majës së suksesit. Madje për këtë gjë ka folur dhe kunati i saj, Robert Berisha. Në ‘InstaStory’ ai ka publikuar një fotografi të lajmit nga mediat e huaja dhe ka shkruar: “Kjo është bac u kry”. Më tej ai ka shpjeguar se ndihet shumë krenar për të gjithë shqiptarët që kanë ecur përpara, por Era për të duhet të ketë merita të veçanta sepse ja ka dalë mbanë plotësisht e vetme.
“Nuk jam kundër Dua Lipës as Rita Orës as Majlinda Kelmendit, përkundrazi krenar me të gjithë shqiptarët që kanë ecur përpara e që po na zbardhin fytyrën. Po Era Istrefi është artistja e parë nga Kosova me tekst që e ka bërë vetë dhe do të shkojë shumë shumë larg. Duhet të kënaqemi dhe të gëzohemi e jo të xhelozojmë. Rroftë Kosova o motra e vëllezër”, – ka shkruar Roberti. /revistawho.com
