Roberti zbulon vesin më të keq të Norës: Gjithmonë më ka penguar

Nora Istrefi dhe Robert Berisha nuk ngurrojnë që të ndajnë me publikun shumë detaje nga jeta e tyre private. Ata të dy kanë një marrëdhënie shumë të fortë bashkë, megjithatë ka dhe gjëra që nuk i pëlqejnë shumë tek njëri-tjetri. Roberti ka zbuluar një nga veset më të këqija të Norës dhe ka thënë se shpesh kjo kthehet në një pengesë. Bëhet fjalë për vonesat në takime ose evente, diçka shumë e zakonshme për gjininë femërore. Në një intervistë për ‘Revista Class’, Roberti ka treguar se bashkëshortja e tij nuk është aspak korrekte me oraret. “Ka patur raste që e ka patur fluturimin në 10:00 të mëngjesit dhe është nisur nga shtëpia në orën 09:00. Duke i ditur rregullat që dy orë para duhet të jesh në aeroport, ajo niset në orën 9. Arrin, hipën në avion dhe shkon në koncert. Unë s’e kuptoj si ia del. Për të dalë në ndonjë takim, darkë, dasmë, gjithmonë vonohet, kështu që kjo më ka penguar gjithmonë te Nora”, -ka rrëfyer ai. Megjithatë pavarësisht të gjithave ata e kanë treguar gjithmonë se janë shumë të lumtur që kanë njëri-tjetrin përkrah. /revistawho.com