Pas tërmetit të fortë që tronditi gjithë Shqipërinë, media e njohur prestigjioze “Rolling Stone Italia” bëri një koment fyes ndaj shqiptarëve. Në rrjete sociale “Rolling Stone Italia” shkruante: “Tërmeti mbërrin në Itali nga Shqipëria. A është kjo çfarë ndodh kur kufijtë janë të hapur? Kryesisht të kequshqyerit bëjnë të dridhen shtëpitë në gjysmën e Puglias”. Ky koment u fshi menjëherë, megjithatë ai u përhap me shpejtësi në rrjete sociale dhe askush nuk e priti mirë. Në lidhje me këto fjalë ka reagur edhe këngëtari shqiptar Ermal Meta, i cili jeton dhe vepron në Itali. Artisti i njohur siç duket është ndjerë po njësoj i ofenduar, ndaj nuk ka nguruar t’i kthehet kundër medias italiane. “Nga kjo anë ne i quajmë ‘humbës'”, ka shkruar këngëtari në ‘Twitter’ përkrah shkrimit të “Rolling Stone Italia”.
Menjëherë më pas Ermali është mbështetur nga ndjekësit e tij shqiptarë, të cilët shprehen se komenti i medias ishte një turp dhe se në këto ditë të vështira të gjithë duhet të mbështesim njëri-tjetrin. /revistawho.com
