Spekulimet për afrimitetin mes Klodian Mihajt dhe Londrimit po bëhen një nga temat më të komentuara këtë javë në “Big Brother VIP Kosova”. Por personi që ka qenë më pranë Klodit, ish-partnerja e tij Michelle Veronesi, vendosi të flasë hapur dhe të ndajë versionin e saj lidhur me të gjitha aludimet e krijuara në rrjete.
Michelle u shpreh se Klodi është gjithmonë i qetë dhe i afërt me njerëzit rreth tij, gjë që shpesh keqinterpretohet si diçka më shumë nga sa është. Ndërkohë ajo rikujtoi edhe një eksperiencë të mëparshme televizive ku Klodi ishte komentuar për afërsinë me një konkurrent tjetër. Në një deklaratë për “Prive”, ajo tha: “Ai kishte një marrëdhënie vërtet të mirë me një djalë tjetër në reality shoë-n ku ishim bashkë, gjithashtu ata ishin duke kaluar kohë bashkë. Unë po krahasoj dy miqësitë”, duke e bërë të qartë ndarjen mes miqësisë dhe romancës.
Pyetjes së drejtpërdrejtë nëse mund të shpërthejë një romancë mes Klodit dhe Londrimit, ish-partnerja reagoi me sinqeritet, por edhe kujdes: “Nuk e besoj që do bënte çdo gjë me një djalë, ta puthte apo të bënte diçka tjetër, por kurrë mos thuaj kurrë. Mund të jetë gjithçka, por s’e besoj që do të jenë çift”.
Megjithatë, ajo nuk hezitoi të flasë edhe për pëlqimet e Klodit ndaj vajzave brenda shtëpisë, duke kujtuar edhe periudhën e tyre në një tjetër format televiziv. Sipas saj, Klodi pëlqen vajzat me pamje natyrale: “Unë nuk besoj se atij i pëlqen ndonjëra nga vajzat aty, sepse tipi i tij është një vajzë natyrale. Pa kirurgji, me pak grim, me të vërtetë i pëlqejnë vajzat e pastra dhe natyrale…”
Michelle madje kujtoi edhe një kompliment që ai i kishte bërë dikur: “Më pëlqen ti me të vërtetë sepse je e vetmja vajzë natyrale”, duke shtuar se nëse ndonjë afrimitet mes tij dhe një vajze brenda shtëpisë do të ndodhte, sipas saj, do të ishte më tepër iniciativë e vajzave sesa e Klodit.
