Historia mes Romeo Veshaj dhe Heidi Baci është rikthyer sërish në qendër të vëmendjes, këtë herë me dy këndvështrime të ndryshme.
Romeo ka deklaruar se marrëdhënia e tyre, pas daljes nga shtëpia, zgjati rreth tre muaj dhe përfundoi në mënyrë paqësore, duke theksuar se ndryshimet në karakter ishin arsyeja kryesore: sipas tij, gjithçka u mbyll me respekt dhe thjesht nuk funksionoi.
Ndërkohë, Heidi ka reaguar publikisht në emisionin “Wake Up”, duke shprehur zhgënjimin për mënyrën si është paraqitur kjo histori. Ajo theksoi se për të nuk ka qenë një lidhje e thjeshtë apo kalimtare, por një marrëdhënie e ndërtuar mbi ndjenja të forta, sakrifica dhe përkushtim.
“Ndoshta është e nevojshme që ndonjëherë të japim sqarim. Kam frikë se heshtja ndonjëherë merret si pohim. Jam mërzitur dhe jam lënduar se si është folur për ish-marrëdhënien time. Dhe jam lënduar në fakt se si është kaluar ajo marrëdhënie. Nuk më pëlqen kur të tjerët flasin për këndvështrimin tim. Nga këndvështrimi im nuk ka qenë një gjë 3-mujore, por ka patur sakrificë, përkushtim, ka patur ndjenja… Për mua ka qenë shumë e rëndësishme, çdo gjë ka qenë shumë reale dhe nuk përkufizohet respekti në këto fjalët. Unë s’kam dashur të flas sepse ka qenë shumë e rëndësishme për mua dhe nuk duhet të ishte një ushqim mediash. Dhe jo ndarja nuk ka qenë me aq respekt sa është paraqitur. Unë jam gjendur në një situatë të komplikuar, të papritur, të vështirë, dhe për respekt të asaj që kam kaluar unë, që kam heshtur, s’do të thotë që nuk peshon. Ky është këndvështrimi im, këndvështrimi nga pala tjetër nuk ka asnjë problem të jetë kështu, të jetë një eksperiencë, sepse unë nuk jam këtu për të baltosur dikë. Unë distancohem, mendimet nuk janë të përbashkëta!“, tha ajo.
