Për pak javë Jonida Maliqi pritet të ngjitet në skenën e ‘Eurovision’ për të përfaqësuar Shqipërinë me këngën “Ktheju Tokës”. Duke qenë se tashmë është një ndër personazhet më të përfolur, Jonida është ftuar në emisione të shumta në Shqipëri, Kosovë dhe jashtë trojeve shqiptare. Së fundmi ajo ka dhënë një intervistë për emisionin “n’Za” në “RTK”, ku ka folur më shumë për eksperiencën e ‘Eurovision-it’, por edhe për kolegët artistë.
Ajo ka vlerësuar disa nga emrat më të njohur, ndër ta Rona Nishliun, të cilën e ka konsideruar si këngëtare me zë të jashtëzakonshëm. Jonida ka treguar se e vlerëson shumë jo vetëm për vokalin dhe punën, por edhe për shpirtin e saj. Siç duket Rona është emocionuar shumë për konsideratën e lartë të koleges së saj, ndaj nuk ka ngurruar që t’i përgjigjet deklartës së Jonidës. “E kam dashur Jonidën që nga dita e parë, në fillimet e 2004. Ajo ishte dhe vazhdon të jetë artistja shqiptare më unike. Ishte nder i madh të isha pjesë e jurisë së ‘Festivalit të Këngës’ dhe ishte kënaqësi të jepja pikët e mia maksimale për zërin e saj të pakrahasueshëm, karakterin mistik dhe performancën e bukur. Jam e sigurt se jo vetëm do shkëlqesh po do pushtosh ‘Eurovision-in’ me energjinë tënde magjike dhe dashurinë e pafundme. Të dua Jonida Maliqi”, ka shkruar Rona në një postim në ‘Instastory’.
Kujtojmë se edhe Nishliu ka provuar skenën e ‘Eurovision’ në vitin 2012, kur përfaqësoi Shqipërinë me këngën “Suus”, me të cilën u rendit në vendin e 5. /revistawho.com
