Georgina ka zbuluar dhuratën që Cristiano i bëri për ditëlindjen e saj dhe duhet thënë që është tejet e çmuar.
Ajo është duke promovuar sezonin e dytë të serialit të saj të suksesshëm, “Unë jam Georgina” që do të ketë premierë këtë të premte, më 24 mars, në Netflix.
“Këtë sezon kam udhëtuar shumë më tepër se ai i mëparshmi, sepse i pari është regjistruar në një kohë shumë të shkurtër dhe këtë sezon kemi pasur një pushim. Në fund regjistrimet kanë zgjatur shumë më tepër dhe falë kësaj kam mundur përfshin shumë gjëra të tjera”.
Georgina më tej ka zbuluar dhuratën speciale që ka marrë nga Ronaldo këtë sezon.
“Ai më dhuroi kohën e tij, sepse ditëlindja ime përkon gjithmonë me një lojë dhe kaloj shumë pak ditëlindje me të, u ndjeva shumë e lumtur sepse munda ta ndaja ditëlindjen time me të, me fëmijët e mi, me familjen time dhe me miqtë e mi”, ka thënë ajo.
