Teksa ajo ka paralajmëruar të gjithë ndjekësit se sot në orën 19:00 bëhet në YouTube premiera e klipit të saj më të ri – “Amini”, mediat në Shqipëri dhe Kosovë shkruajnë për bashkëjetesën e Ronela Hajatit me këngëtarin Young Zerka. Ka qenë agjencia e lajmeve “NeësBomb” ajo që ka nxjerrë e para lajmin, që bëri më vonë xhiron e web-eve. Sipas informacioneve të publikuara, çifti jeton prej disa kohësh nën të njëjtën çati, në një shtëpi të marrë me qera në Tiranë. Deri tani si Ronela dhe Young Zerka i kanë mohuar zërat për një lidhje mes tyre, ndonëse thashethemet qarkullojnë që prej verës së shkuar. Ata u shfaqën bashkë për herë të parë në skenë në natën e 10-të të “Dancing With The Stars”, ku Ronela erdhi për të suportuar kolegun dhe mikun e saj më të mirë Young Zerka, konkurrent në edicionin e gjashtë të spektaklit të vallëzimit të yjeve. Ata u shkëputën në të njëjtën kohë nga studio që i menaxhonte dhe tani funksionojnë si artistë të pavarur, çka i shton edhe më shumë dyshimet. Si Zerka dhe Ronela, janë suportuesit më të flaktë të njëri-tjetrit në çdo projekt artistik që prezantojnë.
