Ronela Hajati: Performanca ekstravagante, sepse më duhej të fitoja lek

Këngëtarja Ronela Hajati njihet për sensin e saj të humorit dhe mbi të gjitha njihet si personazhi që nuk ka frikë të flasë për çdo gjë hapur. Ronela gjatë karrierës së saj si artiste ka pasur dhe disa performanca ekstravagante që kanë bër shumë bujë, e një ndër to ishte dhe ajo në ‘Këngën Magjike 2013’ me këngën ‘Mos ma lsho’. Por mesa duket diçka e ka detyruar Ronelën për të realizuar atë performancë që nga ana më e madhe e publikut në atë kohë nuk u prit shumë mirë. “Ajo për kohën ishte guxim i madh, sepse nëse do të ishte në klip nuk do të vërehej ndërsa në skenë duket shumë. Në prova nuk i kam bërë ato gjeste sepse e dija që Arditi nuk do të më lejonte. Atëherë ka qenë një periudhë që nuk kisha mundësi për klipe, e vetmja dalje ishte ‘Kënga Magjike’ dhe mezi e prisja, përgatitesha gjithë vitin. Ato lek duhej t’i fitoja më mirë me këmbët hapur në skenë se sa jashtë.” Gjithashtu Ronela ka thënë se në Shqipëri është shumë vështirë të këndosh ‘Live’ duke qenë se fonia në çdo festival është skandaloze dhe mikrofonat nuk dëgjohen.